علاش قيس سعيد بالذات
هل هو الأمير الخليفة المصلح المنتظر
رئيس لتونس !؟
* خاطرو مستقل وماعندوش إنتماءات حزبية لاهو مع هذا ولا هو مع لاخر ... ولاهو مع الخارج ..
* خاطرو نظيف وما ثمة حتى واحد في تونس وإلا م الخارج جاب عليه حاجة وإلا شد عليه ملف إدانة..
* خاطرو ماحبش يقبل التمويل العمومي للحملة الانتخابية متاعو وقال («توة آنا في برنامجي الحفاظ على المال العام ومحاربة الفساد .. و ناخذ في تمويل م المال العام !!!) كم أنت كبير يا ابن الخضراء البار شكون عملها هذي !؟ وزيد برشة ناس يقولو خلينا من هذي هذي مناورة تدخل في إستقطاب الشعب !! الحكاية موش هينة يا ناس راهي 100 مليون !!! أغنى المرشحين وأكبر الأحزاب #خذاوها وهذي بصراحة إسمها وقاحة ..
#قيس سعيد قال:« خلي المال العام على جنب ومادخلوشي في تمويل الحملات الدعوية الإنتخابية للمرشحين وإلي يحب يعمل حملة يسرف على جيبو وإلا يتصرف وإلي #يحبو الشعب ومقتنع بيه تو ينتخبوه !! كم أنت عظيم يا ابن الخضراء يا قيس يا سعيد ..
* وخاطرو قال عندي برنامج لتحديد مجال صلاحية السلط و تأسيس المحكمة الدستورية إلي مالقاتش الضو حتى الآن نتيجة تداخل وتضارب المصالح الحزبية والشخصية والإنتماءات وكل واحد يجبد ليه وبقينا نحن الشعب الكادح كيف ""الكورة بين الذكورة ""... وكي"" بهيمة جدي إلي يحي يركب علينا "" بشوي كلام وشوي وعود كاذبة وماهياش جدية..
* خاطرو قال عندي مشروع سحب الثقة من كل نائب أو وزير أو حتى رئيس الجمهورية تدور حوله شبهات فساد أو تورط في أعمال أو أقوال تمس أمن الدولة وبالتالي تسحب منه الثقة ويحاسب مثل كل مواطن .. كم أنت كبير يا ابن الخضراء البار يا #قيس سعيد..
* خاطرو عندو مشروع يعيد الإعتبار للدبلوماسية الإنتاجية وتحديد سقف أدنى يقاس بالنقاط لكل سفير من سفراءنا في الخارج ومدى جلبه للإستثمارات.. يعني إذا السفير ما قدرش يجلب مستثمرين أجانب لتونس يتنحى ونعينو سفير جديد ..يعني الراجل يحكي على تعيين سفراء أكفاء و خبراء في المجال موش عين فلان سفير خاطرو ولد أخت مرتي و لاخر صاحب رجل الأعمال الفلاني لي موللي حملتي الإنتخابية !! هاو الصحيح . كم أنت كبير يا ابن الخضراء البار يا #قيس سعيد ..
* خاطرو قال الحرب على الفساد لا تستثني أصحاب الحصانة وهذي نقطة مهمة جدا في تفعيل علوية القانون ..
* خاطرو عندو مشروع تفعيل دور المجالس المحلية في صياغة القرار الوطني والتنمية المحلية وهذي تجربة رائدة وناجحة في ألمانيا ودول تحترم نفسها و تحترم شعبها.. "موش شعبة و تنسيقيات جهوية تمارس المحابات والمحسوبية .. وهذي كيف ماقلنا تعزز تكافئء الفرص وتقضي على" الأكتاف السمينة "
* خاطرو #راسو #كاسح #وصحيح و #قوي وصاحب #شخصية و #كاريزما و موش ساهل باش تحتويه جهة أو حزب أو دولة أجنبية أو يأثر عليه حد ...
* خاطرو في مشروعه #التأميم #بالتدرج لأنو فاهم الحكاية موش بالبساطة لي يحكي عليها المترشحين الآخرين " تأميم تأميم تأميم برا نقول راني باش نأمم الثروات توة أولاد الحفيانة ينخبولي ... وهوما عارفين رواحهم "يستبلهو في الشعب " #قيس سعيد واضح في هذه المسألة التأميم مطلب شعبي وضرورة ملحة بل هو الطريق نحو بناء كرامة وطنية و إستقلال كامل وسيادة وطنية كاملة لكن هذا تسبقه #إصلاحات ##جذرية في البيت الداخلي سياسية واجتماعية وثقافية و تعليمية و إقتصادية يعني لازمنا نعيشو ثورة فكرية على جميع المستويات باش نوصلو نقدرو على التأميم التام للثروات .. الراجل فاهم مليح حجم المسؤولية وحدثنا بكل صدق و مكاشفة مسألة #التأميم تكون بالمراحل في تداخل وتضارب المصالح الدولية وهنا يكمن #معدن #الرجل ««المناورة السياسية في علاقة تونس بفرنسا »»
هنا يظهر لنا حجم الفهم الصحيح للصدق في مخاطبة الشعب من بيع الأوهام ..
تحليل موضوعي منقول
تعليقات
إرسال تعليق