الفريق أحمد قايد صالح
قدر ربي صاحب القدرة وحكم
وكتابت اليام بينا كيمن هاك
فراڨ الڨايد كان ذالامر محتم
مايعلم بسرار في قدرت مولاك
يابطل نرثوك بشعار تنضم
ومهما ڨلنا فيك مانوفي معناك
انت حبك لدزاير معضم
يافقيد بلادنا ربي يرضاك
انت بونا وكنت فينا مكرم
نتاياعضيم بفعالك وسماك
اسمك صالح وكنت صالح للامم
وحبك شعبك كنت قدوة في مبداك
كنت حماية لشعبنا فيه تقوقم
كنت عدو لمن يعاديه ويعصاك
وكنت بي الجيش تحمي وتنضم
وتصنع قوة ضد للي هو عداك
برجالك تحم الوطن فيه تعمم
قيادة وجنود والامن ولسلاك
تسع شهر ونتى توصينا بسلم
خاوة خاوة وللوطن نمشو كي هاك
اليد بليد تكون ذالقوة تزدم
شعب وجيش يكون قاوي بيه حماك
نهج جدادك كان في دمك ترسم
حب الشهادة الي ضحاو معاك
انت ڨلت دفنتهم بيدي نعم
انتى شعبي تعبت والله ماننساك
نام برحمة يالفريق المسلم
ربي راه اليوم بصدق تولاك
انتايافي امتك كنت محزم
وتنادي بسلم مولانا يرضاك
صبر جميل وبيه مولانا يعلم
منك ماشفنا شينة كالملاك
مزال رجال خلفك تتحزم
وتكمل مسريتك لينا كيهاك
تعليقات
إرسال تعليق